Páginas

MIRADAS sentimento AVENTURAS medos LEDICIAS encontros PAISAXES olores CAMIÑOS emocións AGARIMOS

Se está nun libro, nós témolo. Só tes que entrar e ver. Este é o blogue da Biblioteca Asorey e do Equipo de Dinamización Lingüística do IES Francisco Asorey.

lunes, 24 de mayo de 2021

Carme Hermo presenta "Man de Camelle" no IES F. Asorey.

Hoxe visitounos Carme Hermo, unha pintora e profesora que veu falar da vida e da obra de Man de Camelle. Precisamente, así é como se titula o libro que, sobre este recoñecido personaxe da Costa da Morte, escribíu e publicou na editorial Kalandraka. 

A charla foi coordinada pola profesora e tamén artista Rocío Domenech para o alumnado de 1º de ESO. Didáctica, emotiva, suxerente e sempre perfectamente acompasada coas imaxes e os debuxos que a pintora elaborou para da a coñecer a vida e obra de Man, ese alemán de Camelle. 



XELA ARIAS DA MAN DE YOLANDA CASTAÑO.


O pasado 18 de maio tivemos a sorte de contar coa visita de Yolanda Castaño. Veu a falarnos sobre o seu último traballo, Xela quixo ser ela, onde profundiza sobre a biografía da autora homenaxeada nas Letras Galegas 2021 e tamén sobre o papel da lucense na nosa literatura. 










 

viernes, 21 de mayo de 2021

Xela Arias

 Este é o ano de Xela Arias. Dedícanseslle as Letras Galegas 2021 a esta polifacética   muller que, no tocante ao texto poético é posuidora do dominio e da harmonía da palabra cunha finalidade innovadora e transgresora, comprometida coa realidade social que lle tocou vivir. No campo da tradución verqueu ao galego obras de autores da talla de James Joyce ou Roal Dahl, entre moitos outros, que lle proporcionaron varios premios. Importante foi tamén o seu labor como editora e como profesora de ensino secundario, labor que supuxo para ela todo un descubrimento e co que pretendía acompañar na aprendizaxe  ao alumnado que estivese disposto a percorrer este camiño.

Hoxe queremos lembrala, e no seu honor puxemos o noso amor en crear este vídeo que vos amosamos aquí, partindo dun poema seu pertencente ao seu último poemario,  Intempériome. Fixemos unha interpretación libre e, con maior ou menor calidade, quixemos participar desta lembranza tan relevante para tod@s nós.

 

martes, 18 de mayo de 2021

PODCAST SOBRE XELA ARIAS. LETRAS GALEGAS 2021.

As Letras Galegas do 2021 dedícanse á poeta, tradutora e editora Xela Arias. Para rendírmoslle a nosa pequena homenaxe , alumn@s do noso instituto guiad@s por un grupo de profesor@s, gravamos uns podcasts para percorrermos e achegarmos algo máis sobre a súa figura e a súa obra.  Estes podcasts xorden de interpretacións subxectivas e persoais. Así pois, alumnos e alumnas de 1º de ESO len poemas de Xela Arias mentres comparten alegres comentarios nocturnos; alumnas e alumnos de 2º de ESO elaboran un interesante concurso de Letras para as Letras dedicacas a Xela Arias; alumnas e alumnos de 4º ESO fan un percorrido artístico para louvar e conmemorar a esta ilustre figura literaria. Estas son algunhas das gravacións que fixemos e que agora vos amosamos para que as escoitedes con cariño. Desexamos que sexan do voso agrado.







lunes, 17 de mayo de 2021

DÍA DAS LETRAS GALEGAS

 A noticia de recordar este mes de maio a Xela Arias nas nosas letras só podía traer cousas boas! Quedaba ademais o pesadume de non ter “festexado” a Ricardo Carvallo Calero como se debera. Pero a chegada desta escritora, tradutora, poeta, editora, mestra … traía tanto aire fresco que nos foi engaiolando a todos dende que soubemos da súa elección pola RAG.

Entón, nas Letras Galegas de 2021 coñeceremos polo miúdo a unha das poetas da Xeración dos 80 que con títulos como Denuncia do equilibrio, Tigres coma cabalos ou Darío a diario removeu estéticas e cadros temáticos fuxindo do conformismo.


Que ben e que fermoso que loitara dende moza por rexistrar ese limpo nome XELA, que xa era familiar nela dende nena! Esta puido ser a primeira das súas batallas e achegándonos a outras fontes poderemos saber doutras máis…


https://portaldaspalabras.gal/etiquetas/letras-galegas-2021/



http://consellodacultura.gal/diadasletrasgalegas/2021/

https://academia.gal/letras-galegas/2021/xela-arias

 https://xelaarias2021.gal/


Tamén poderemos escoitar versións cantadas dos seus versos

https://www.youtube.com/watch?v=PtWNud4uYYw

https://www.youtube.com/watch?v=qdQb_pBjxIc

E facer enredos como estes

https://portaldaspalabras.gal/xogo/un-retrato-de-a-xela-arias/

https://portaldaspalabras.gal/xogo/un-conto-da-nena-xela/

https://view.genial.ly/605ce3411720160d9775c0c4/interactive-content-sala-de-fuga-os-segredos-de-xela

miércoles, 12 de mayo de 2021

ENCONTRO LITERARIO CON MIGUEL ANXO FERNÁNDEZ FERNÁNDEZ E FRANK SOUTELO.

O alumnado de 1º de bacharelato tivo a oportunidade de gozar da novela negra da man de Miguel Anxo Fernández e do seu famoso detective Frank Soutelo. 
Fíxonos un percorrido polos inicios da novela negra desde Poe, pasando polo Sherlock Holmes de Doyle, até o boom na novela negra en Galiza a partir dos anos 80. Amais, falounos de inspiración á hora de escribir, como naceu o seu detective, Frank, e algunha pincelada sobre a súa última novela que sairá ao prelo axiña. 
Proximamente publicarase unha entrevista que a rapazada lle fixo a este marabilloso escritor. 






XINCANA CULTURAL 2º DE BACHARELATO.

O alumnado de 2º de bacharelato despediu o curso cunha xincana cultural preparada polos Departamentos de Linguas, Normalización Lingüística e Biblioasorey.

Por grupos, tiveron que resolver unha serie de probas con preguntas sobre literatura, historia, cinema...; agás na última proba na que tiveron que improvisar un sainete ou compoñer un poema. 

Todxs puideron gozar do premio compartido, cheo de doces e unha libretiña de recordo desta última etapa no centro, para que continúen escribindo os seus soños...

Desde aquí, queremos desexarlles moita sorte nesta nova andaina!


Foto grupal dxs participantes. 



Agasallo final e algunhas probas agochadas...

Un dos grupos resolvendo a proba final. 

Grupo improvisando nunha das probas...


Un dos equipos participantes na proba final.