Páginas

MIRADAS sentimento AVENTURAS medos LEDICIAS encontros PAISAXES olores CAMIÑOS emocións AGARIMOS

Se está nun libro, nós témolo. Só tes que entrar e ver. Este é o blogue da Biblioteca Asorey e do Equipo de Dinamización Lingüística do IES Francisco Asorey.

miércoles, 2 de diciembre de 2020

Levouse a cabo na Biblioteca a  entrega da 11ª edición de Microrrelatos aos alumn@s  autores dos  textos  seleccionados. PAREBENS !!!!!





martes, 1 de diciembre de 2020

Actividades desenvolvidas no centro con motivo do Día contra a Violencia de Xénero



Alumnos e profesores participaron con frases e enchendo mans brancas contra a violencia de xénero

O alumnado de 1º bacharelato coa profesora Inma Castro traballaron o tema da muller no cine: empoderamento, roles e estereotipos. 

Encontro con Beatriz Laya sobre "A Francesa".  Dolores Valle, a Francesa, foi unha figura importante da historia de Cambados, e que amosou unha xenerosidade extraordinaria con este pobo. Foi unha gran benefactora dxs cambadesxs aos que donou unha parte moi importante do seu patrimonio, e que quedou no esquecemento oficial durante demasiado tempo sen un recoñecemento axeitado que, finalmente, foi subsanado nesta lexislatura e reparado con xustiza polos seus moitos merecementos.

Beatriz Laya, ex alumna de este IES Asorey, é unha Historiadora da Arte e Educadora Patrimonial e que conta cunha ampla experiencia dentro dos campos de actuacións culturais, tanto como Auxiliar de Cultura do Concello, como na súa etapa no Museo das Peregrinacións de Santiago onde realizou cadernos didácticos adaptados ao currículo escolar. Actualmente, ademáis de realizar traballos de investigación e publicacións para a revista CenFollas, realiza visitas guiadas no Pazo de Fefiñáns.

Proxección da película Las sufragistas

  


martes, 24 de noviembre de 2020

 25 de Novembro: Día Internacional contra a Violencia de Xénero



martes, 10 de noviembre de 2020

 PARABENS!!!!

Marcos obtivo o primeiro premio na modalidade de relato curto coa obra Pensamentos nunha clase de lingua mentres que Lucía e Julia fixéronse co primeiro e segundo premio na modalidade de poesía coas obras Ti e Un mundo de novo en desorde, respectivamente. O segundo premio na modalidade de relato quedou tamén no instituto cambadés, no seu caso para Marta Suárez González, con Cicatrices do universo.

lunes, 9 de noviembre de 2020

EXPOSICIÓN SOBRE A COSTA DA MORTE 


Naufraxios, lendas, misterios pululan pola Costa da Morte e fan dela un lugar que non deixa indiferente a ninguén. O rumor dos piñeiros e do bater do mar contra as rocas semellan traducir as palabras dos nosos antergos. Os ventos e as tormentas que se desatan rabiosas amedrentan o noso espírito e, ao tempo, invádenos unha sensación de plena comuñón coa natureza. Simbiose perfecta de mar e montaña salpicada de pegadas do home, de cruces que nos lembran o final.


domingo, 8 de noviembre de 2020

 SAMAÍN 

En gaélico, Samhain significa «fin do verán», pois os antigos celtas festexábano nese momento de transición do estío ó inverno. 

É nunha desas datas nas que se conta que é máis doado transitar entre dous mundos: o dos vivos e o dos mortos.

A profunda relixiosidade dalgúns pobos galegos deu sempre unha gran importancia á comunicación cos mortos. As ánimas volvían por un día ás súas vellas moradas para quentarse xunto á cheminea e comer en compañía dos seus familiares vivos, afastando así a tristeza definitiva do camposanto.


Os alumnos de terceiro da ESO xunto coa súa profesora de lingua galega Paula Penedo baixaron a biblioteca a escoitar e escribir pequenos e terroríficos relatos de terror. 


lunes, 26 de octubre de 2020

Lecturas terroríficas para un Samaín de morte!!!

 Bo comezo de semana!!

Velaquí algunhas recomendacións literarias terroríficas dispoñibles en Biblioasorey, para gozar deste Samaín 2020!!



Gustouche Crepúsculo? Pois aquí tes unha historia igual de terrorífica e cautivadora... Aquí todo é extraño: a escola, os alumnos. Neste lugar nada ten sentido, e aquí estou eu, unha simple mortal entre deuses… ou monstros. Aínda non sei a que bando pertenzo, se é que pertenzo a algún... Só sei que o que lles une a todos é o seu odio cara min. Pero entre eles está Jaxon Vega, un vampiro con escuros segredos que me atrae, algo roto que encaixa co que hai de roto dentro de min. Jaxon despareceu por algunha razón e alguén quere espertar ao monstro durmido. Pregúntome se serei eu o anzol para atrapalo...



A través desta novela mergullámonos nas profundidades dun Ourense descoñecido, ese Ourense que se agocha debaixo das pedras da cidade e que oculta un mundo de demos vingativos. Esta é unha novela de bruxería e corrupción onde os homes poñen a súa vida ao servizo das causas santánicas. Atréveste a viaxar por debaixo das Burgas onde Lucifer desenvolve os seus ritos máis macabros?