CONCURSO DE
FOTOGRAFÍA
∏4τ∑∏∑ÁτIC4
∏4τ∑∏∑ÁτIC4
O Departamento de Matemáticas, o Equipo de Dinamización
Lingüística e a Biblioteca Asorey convocan un Concurso de fotografía
matemática.
Bases.
1.-Poden participar todos os alumnos do instituto.
2.-Cada alumno pode participar cunha soa fotografía.
3.-O tema das fotografías ten que estar relacionado co mundo das
matemáticas, nas súas múltiples manifestacións (figuras xeométricas, mosaicos,
simetrías, estatística e azar, etc.)
4.-A fotografía presentada debe ir acompañada de TÍTULO e unha
breve DESCRICIÓN DO CONCEPTO MATEMÁTICO EMPREGADO.
5.-As fotografías enviaranse ao correo electrónico biblioasorey@gmail.com. O correo debe levar dous arquivos adxuntos: un coa fotografía
e outro co NOME e APELIDOS DO AUTOR e o CURSO.
6.-O prazo de presentación finaliza o luns 9 de febreiro de
2015.
7.-O xurado estará composto polos membros do Departamento de
Matemáticas do IES FRANCISCO ASOREY de Cambados.
8.-Haberá tres categorías:
· 1º e 2º de ESO
· 3º e 4º de ESO
· Bacharelato e Ciclos Formativos.
9.-O premio será un vale de 25 euros para gastar en varios
establecementos de Cambados para cada un dos tres gañadores nas tres
categorías.
10.-A entrega dos premios aos gañadores realizarase o venres 13
de febreiro no Festival de Antroido.
11.-As fotografías enviadas formarán parte dunha exposición na
Biblioteca.
