Que é un día nunha loita? Que é
unha lembranza? Un día non é nada se ese día non chama a unha tarefa
pensada, preparada, organizada, sincera
e habitual. Unha lembranza é moito se nos mantén na rutina diaria do bo
facer.
O pasado 25 de
novembro enchéronse todos os medios de comunicación, de noticias, chamadas,
comentarios e bos desexos relacionados
coa Violencia de Xénero. Chamadas reiteradas á igualdade, condena aos
asasinatos de mulleres, que seguen aumentando e avergoñando a especie humana.
Un sinfín de cartaces e palabras xurdían, sen sermos quen de buscar solucións
reais e efectivas .
No Asorey tamén lembramos a todas as mulleres
sen voz, maltratadas, anuladas... porque
non queremos esquecer, nin consentir, senón finalizar con este mal,
froito dunha sociedade enferma que permite que aínda haxa seres capaces de
tales atrocidades.
Damos as grazas ao alumnado que participou amosando esta crúa
realidade coa intención de colaborar coa súa erradicación definitiva.
EXPOSICIÓN DOS TRABALLOS SOBRE A VIOLENCIA DE XÉNERO