A SEMANA DA MÚSICA
A música é un aloumiño serpenteante e iluminador que
fai aflorar o mellor de nós mesmos. Guíanos cara a apertura e cara o conxunto
do coñecemento e disfrute da vida. Empatiza con todos os campos do saber e
fainos máis profundos. É por todo isto que a consideramos básica para percorrer
con ela o camiño da educación e da aprendizaxe.
Neste mes de
novembro, como vén sendo habitual, celebramos a Semana da Música. O Salón de
Actos, a Biblioteca, o Vestíbulo e a
Cafetería convértense, nos recreos, en simultáneos e improvisados escenarios
onde diferentes artistas, pertencentes ao noso alumnado, amosan o seu saber facer e arroupan o noso ser.
Queremos
agradecer a todo alumnado participante a súa arte e disposición e agradecemos tamén ao profesorado que axudou a
que isto fose posible.
