O 13 de marzo tivemos a sorte de contar coa presenza de Yolanda
Castaño. A poetisa galega, de gran proxección tanto nacional como internacional
e gañadora de numerosos premios literarios,
ofreceunos un obradoiro de poesía.
Con ela fomos descubrindo a súa andaina polo
mundo das palabras, dos versos. Achegounos á poesía lembrándonos e facéndonos ver que a lingua
non só está aí para comunicar unha realidade sen máis, senón que con ela,
podemos explorar un sinfín de sensacións e emocións que antes permanecían
silenciadas en nós. Só hai que pescudar, perseguir a verba axeitada, a máis
apropiada e xogar co seu son , co seu significado.
Mariña Area recitou un
poema de Yolanda Castaño na súa presentación