Cantarte hei, Galicia,
teus dulces cantares,
que así mo pediron
na beira do mare.
Esta era a promesa de Rosalía de Castro no seu libro Cantares gallegos, primeira obra publicada en galego despois do
silencio dos Séculos Escuros. Non só se cumpriu a súa promesa senón que se
converteu na voz do pobo galego, en toda a súa magna perspectiva, e foi tamén a
voz da muller silenciada, a voz de denuncia e reivindicación en termos de
igualdade.
Por iso e por todo o que
non somos quen de transmitir nestas palabras, queremos lembrala unha vez máis,
desta volta cando se cumpren 182 anos do seu nacemento. Nesta ocasión, no
instituto Francisco Asorey poñemos son á
súa voz e ó seu pensamento a través de poemas seus, cantados, musicados,
recitados e interpretados polo noso alumnado. Contamos co bo facer dos grandes
intérpretes dos que goza o Asorey. Fermosas e coidadas voces, músic@s con
destacadas cualidades e recitador@s de elevada mestría, fixeron posible un
momento de pracer artístico e cultural.
Agradecemos a implicación
daquel alumnado e profesorado que dedica parte do seu tempo de lecer a
traballar pola dignificación da cultura galega e universal.