Tódalas manifestacións literarias son
importantes porque nos ensinan os camiños da vida a través do divertimento e axúdannos na nosa
expansión como persoas. A poesía é arte, é paixón, é movemento, é amor, é
filosofía... é todo o que ti queiras que sexa. Todos somos poetas. Todo se
converte en poesía se poñemos o foco no que miramos, escoitamos, tocamos ou
ulimos. Trasladamos as nosas impresións ao verso e facemos poesía. Así o fixeron os alumnos de
1º de ESO que, en lugar de memorizar o presente do verbo SER, preferiron
aprendelo a través dos versos que eles mesmos construíron con moita mestría.
Escribíronse
poemas en maxifolios polas paredes da Biblioteca, outros colgáronse nunha
armadura no teito da mesma, outros escribíronse en paneis expositores no
vestíbulo do noso instituto. Mesmo houbo poesía matemática, a través dunha
explicación chea de sonoridade e concisión.
Quixemos
percorrer os corredores arrolados pola musicalidade dos versos que ían saíndo
ao noso encontro.
