O venres dia 8 de Novembro, o Asorey vestíuse de gala para proceder a
entrega de Premios do II Concurso Cambados MarDeLetras. UN concurso literario
nas modalidades de Relato Curto e Poesía que organizamos en colaboración co
Concello de Cambados, e conmemorando o Día de Cabanillas en Cambados.
Tino Cordal, o novo Concelleiro de Cultura, acompañounos no acto e
dirixíuse ao Auditorio poñendo en valor a dinamización cultural. E Cristina
Corral, a Presidenta do Xurado e tamén Escritora, animou aos alumnxs a seguir
escribindo e a buscar o seu propio camiño e a súa propia voz literaria. María
Gómez deu lectura ao Acta do Xurado e
tivemos a gran satisfacción de que na modalidade de Poesía, os irmáns
LUCÍA BOULLOSA ÁLVAREZ E MARCOS BOULLOSA ÁLVAREZ, obtiveron o 1º e o 2º premio
respectivamente. UN fermoso acto no que as maxistrais interpretacións de Pablo
Costa ao piano, e Mariña Chaves e Ainoa ás flautas traveseiras, pecharon
brillantemente un acto cheo de ledicia e
de creatividade.