O proxecto está
concebido coma unha interacción coa
Comarca na que na vivimos. Un espazo físico
que dende antigo, estivo conformado e delimitado por unha serie de pobos
e culturas en torno á Ría de Arousa.
O descubremento do sartego do Apóstolo Santiago nos inicios do século IX, deu lugar a aparición dunha serie de camiños de
peregrinación da que a nosa comarca non foi allea.
A Ruta ou Camiño Portugués, é a que circula máis perto de nós. Pero vai dende Pontevedra a Caldas de
Reis, e dende alí a Padrón. Hoxe, dende Pontevedra e o Mosteiro de Poio, ata o
de Armenteira e seguindo o cauce do río Armenteira, desenvolveuse un camiño que
ven a ser unha variante deste camino portugués. Enlaza en Vilanova cunha ruta
marítima que leva a Padrón e dende aí a Compostela.
Polo tanto coñecer a nosa estrutura administrativa,
Concellos do Salnés, camiños e natureza, e o noso Patrimonio histórico
artístico, foron os eixos en torno aos que xirou a realización deste
proxecto.