Un libro para alguén ao que lle gusta ...

 

GUIA DE LECTURA.pdf from AtalaParedes1

ACCIÓN POÉTICA

Hoxe o alumnado do instituto xunto cos profesores Cristina Corral e Gerardo Rodríguez “Chere”, pintaron na  parede lateral do pavillón os versos escollidos na celebración do Día da Poesía aumentando o espazo artístico do  IES Francisco Asorey.

MULLERES CHEAS DE MAR

UN MURAL ADICADO ÁS MULLERES DO MAR AMPLÍA A "GALERÍA DE ARTE" DO IES ASOREY

Hoxe vimos de inaugurar o mural que a artista Susana Ferradás elaborou xunto co alumnado do noso Instituto.

A obra que é unha homenaxe ás mulleres do mar, foi eloxiada pola presidenta de Guimatur e das Mariscadoras. No acto participaron o alcalde de Cambados e o Concelleiro de Cultura. Esta obra foi posible gracias a colaboración do profesor Gerardo, Chere.

O acto foi amenizado polo profesorado do centro e o seu grupo Os Arraighados.

XORNADAS DE PORTAS ABERTAS

 Esta semana recibimos a visita dos alumnos dos centros de primaria de Vilariño, Castrelo e San Tomé.

 A biblioteca converteuse nun pequeno restaurante. Divertida actividade do Departamento de Inglés.

 

En lembranza de Domingo Villar:

              Eu, como o mar, 

               non quería morrer.

Manolo Rivas 

Día das Letras Galegas

EMIGRACIÓN E EXILIO, velaquí dúas palabras que denotan partida,  fuxida do lugar propio, por obriga.  A fame ou o perigo inminente son os instrumentos punzantes que empurran a marcha.  O que connotan ten tal dimensión que é difícil simplificalo nunhas liñas. Agora ben, aínda que ámbolos dous vocábulos significan “partida”, hai  claras diferenzas de contido, no fondo e na forma .  A RAG defíneos deste xeito:

 EMIGRACIÓN:

    1. Acción e efecto de emigrar.

    2. por extensión Conxunto de emigrantes.

    3. por extensión  Circunstancia de vivir emigrado.

 EXILIO:

     1.  Acción e efecto de exiliar ou exiliarse.

          2. Lugar onde vive a persoa exiliada.

         3. Período de tempo que bota neste lugar.

Estas accións implican moito máis do que aquí queda reflexado. Pero as definicións non recollen, na maioría dos casos,  as vivencias reais.

 O autor homenaxeado nas Letras Galegas 2022, Florencio Delgado Gurriarán  que naceu o 27 de agosto de 1903 en Córgomo (Vilamartín de Valdeorras),  coñecía perfectamente o concepto de exilio porque o viviu na propia pel.  En 1939 exiliouse en México, país no que se integrou e no que seguiu loitando polo ideal galeguista como creador das revistas Saudade e Vieiros, fundador do Padroado da Cultura Galega e como representante na delegación de Galeuzca en México. A súa situación de marcha forzosa será o motivo de  inspiración das nosas sesións  de redacción de microrrelatos que  pretenden verbalizar distintas perspectivas deste concepto de fuxida obrigada.

Como todos os cursos, dende a biblioteca organizamos unhas xornadas para a elaboración de microrrelatos nas que participa todo o alumnado. Proponse cada ano un tema e expóñense imaxes, vídeos, música, olores, sabores... , aquilo que nos pareza axeitado como motivo de inspiración. Neste curso centramos o tema no exilio que tivo que padecer,  entre outr@s moit@s,  o noso polifacético Fernando Delgado Gurriarán.

Para esta creación individual amósase unha exposición de fotografías que reflicten a crúa realidade, do pasado e do presente. O que cada alumn@ interprete e imaxine será o produto final convertido en relato que será posteriormente seleccionado para a futura  edición e publicación dun libro.

>