Unha celebración de orixe celta que o cristianismo reconverteu no Día de Todos os Santos. Esta festa estase recuperando despois de décadas de esquecemento.
A noite do 31 de outubro comeza o Ano Novo celta,
remata o verán e entra o inverno.
Nesta noite, as ánimas dos mortos atravesan a porta
que separa o mundo dos vivos e dos mortos e xorde a intercomunicación entre os
dous mundos.
No IES Francisco Asorey quixemos unirnos á
celebración e vímonos mergullados nun mundo estraño, escuro e
estarrecedor. Comunicámonos coas ánimas
a través de diferentes liñas de interconexión, cabazas iluminadas con candeas
para escorrentar o mal, corpos e rostros
transformados circulando en procesión
polo alén, bichos suxeitados en
plataformas conectadas co máis alá. Pero o que máis nos impresionou foi
escoitar anacos de conversas do outro mundo, a través dunha conexión
radiofónica pirata. Virando a antena cara o cemiterio de Santa Mariña puidemos
escoitar como uns esqueletos moi
curiosos conversaban e facían alusións ao noso mundo, ó mundo dos vivos.
Amosámosvos exemplos de todo isto para que poidades
comprobar por vós mesmos a veracidade dos feitos que se relatan.
DECORACIÓN DA BIBLIOTECA
