CHARLA DO ESCRITOR RAMÓN CARIDE
Caride, un dos grandes das nosas Letras, con máis de 50 libros publicados, ademais de multipremiado, estivo con nós o 2 de Xuño para explicar as claves do seu libro ENDOGAMIA 0,2. Primeiro recorrimos a exposición montada ao efecto, coas ilustracións de Manuel Busto, da que Caride gustou moito. Disfrutamos da lectura e tamén, e moito, dunha detallada charla sobre os grandes temas que importan e motivan a Ramón Caride. Son temas moi actuais e que teñen que ver coa explotación da muller, a discriminación, o mal do Alzheimer, a falla de sostenibilidade medioambiental e dos recursos, os intereses empresariais, e as súas lóxicas de beneficios, os campamentos de refuxiados… en xeral, con todos males que conducen ao noso mundo a unha situación de agravio e de desigualdade.
Os alumn@s preguntaron, indagaron e descubriron que dende a Escrita, podemos facer crítica, denuncia e prevención. Agradecémoslle a Caride a súa charla, que compartira con nos as súas motivacións, e a dispoñibilidade permanente que ten para visitarnos sempre que llo pedimos.
