DÍA DE SAN VALENTÍN
Son suficientes 140 caracteres para mostrarlle a outra
persoa todo o amor que esperta en nós? Pois, semella que si.
O día de San
Valentín resultou ser unha data do máis inspiradora. Cupido tocou o corazón do
Asorey e, durante uns días, unha selección dos mellores tuits adornará a nosa
Biblioteca. Tarxetas vermellas penduradas do fío do amor, que buscan a vosa
complicidade máis íntima , dificultan o paso cara os andeis e as mesas.
Parádevos, lédeas e desfrutade da verbalización do sentimento máis profundo, do
máis fermoso, daquel que é capaz de cambiar o rumbo das
nosas vidas.