A música consegue que aflúa o mellor de nós mesmos, propicia a
nosa capacidade creativa, tan necesaria para conseguir a
adaptabilidade ao medio dun xeito harmonioso. Estes días é
especialmente pracenteiro acudir ao noso instituto onde soan
instrumentos e músicas de distintos xéneros polos corredores,
vestíbulo, biblioteca e cafetería. Nestes lugares, alumnado e
profesorado goza das melodías que distintas alumnas e alumnos nos
dedican en directo para celebrar a Semana da Música.