ENCONTRO CON PASQUAL ALAPONT
O alumnado de 4º de ESO gozou dun Encontro Literario con Pasqual Alapont, autor de El infierno de Marta. Fixeron unha análise da novela desde unha perspectiva de xénero, mais tamén desde unha óptica subxectiva e creativa.
O acto foi presentado por Jennifer Corbacho e Carlos Vázquez de 4º de ESOA. Amais, tod@s tiñan preparados vídeos sobre a novela e interesantes preguntas, o que lles permitiu mergullarse no fondo, na esencia da propia obra.
Esta actividade forma parte do Programa de Fomento da Lectura, Ler dáche vidas extra, do Ministerio de Educación, Cultura e Deporte.