Día da Candeloria, Día dos Namorados…..
Unidos polos chíos!
O día 2 de febreiro é
coñecido popularmente en Galicia como o día da Candeloria (sóache a
ti?) e todo o que trae consigo son símbolos positivos. VERÁS:
Para a igrexa é o día da luz, das candeas.
Na meteoroloxía obsérvase nese
día como vai vir o que resta de inverno.
Na natureza medran os días e comeza o ciclo
da vida.
No mar (sen tantos avances como poden ter
agora) chegaba o momento de saír con máis seguridade, tras ter pasado os
peores temporais.
Na cultura popular é o día no que casan
os paxariños, tras retornar das súas invernais migracións e agardando pola
vizosa primavera.
E por que non quedarnos con esta
última idea e achegala nós tamén ata o veciño 14 de
febreiro. Como saben estes pequeniños que sen amor non se pode vivir! Pois
imos seguilos e voamos cara o amor!
Dende a Biblioteca e o Equipo de
Dinamización Lingüística propoñémosvos, unha vez máis, que escribades nun
formato mínimo, pequerrecho, cariñosiño… os vosos chíos en galego, inglés, castelán, francés …en todas
as linguas dedicados a todo aquilo que esperte en vós AMOR!!!
Non deixedes de mirar ó voso arredor para
atopalo e seguide a todos estes paxaros que nos rodean!