25N, DÍA INTERNACIONAL CONTRA A
VIOLENCIA DE XÉNERO.
Unha
actividade organizada por Paula Penedo, profesora de Lingua Galega
Un iceberg é unha masa flotante de xeo que se atopa
sumerxida. Só unha pequena fracción pode observarse na superficie (o
11%) mentres que o 89% está baixo a auga.
Así acontece coa violencia de xénero. Só unha pequena
parte se ve, mentres que a maioría é invisible á sociedade.
Ó falar de violencia de xénero soemos pensar en situacións
de agresións dentro dunha parella, pero iso só é a parte máis visible de todo.
Na parte que se ve están os berros, os insultos, as ameazas, os abusos sexuais,
as agresións físicas e o asasinato no máis alto.
A outra parte, a invisible, é a máis grande e a que está
sumerxida e apenas se ve. Aquí é onde atopamos o xerme da violencia:
micromachismos, linguaxe, humor e publicidade sexista, control, desprezo,
chantaxe, humillación…
Nesta masa de xeo flotante poranse palabras que reflictan a
nosa percepción sobre a violencia de xénero utilizando etiquetas cunha cor diferente
para cada lingua. Os termos asociados á violencia visible colocaranse na
parte superior e na parte inferior os que se asocian á violencia invisible.
Desta maneira irase enchendo a masa de xeo con palabras que representan a violencia de xénero.
Desta maneira irase enchendo a masa de xeo con palabras que representan a violencia de xénero.
