A SEMANA DA MÚSICA
Un ano máis, a Música
foi o elemento de Comunicación no IES Asorey nestes días. Unha semana de
actuacións musicais, coas máis diversas temáticas e ritmos. Grupos, solistas,
instrumentos e voces, tomaron o Centro durante esta semana. A Biblioteca, a Cafetería, o salón de actos,
e o vestíbulo foron os improvisados escenarios, onde os alumnos e alumnas participan dándonos o
mellor da súa arte. Todos os demais,
tanto os profes como os seus compañeiros e compañeiras de clase, fomos
testemuñas das súas intervencións. Os aplausos resoaron en cada recreo e en
cada espazo de actuación. Moitos nervios, ensaios, algúns debuts, valentes
principiantes e veteranos dominadores dos escenarios, puxeron esforzo e
complicidade con Moisés e Ana, para facer unha fermosa Semana da Música. E
fixeron verdade, unha vez máis o vello slogan de que nunca pare a música.